|
QUANDU ERA IO
COTRARU
Quandu era io cotraru
puocu ranu nto granaru,
pe’
ogni strata e ogni vijiuolu,
ncuntravi sempre ncunu figghjiolu.
Purvulata supra e sutta,
t’arrivava nta la vucca,
de
ciucci, de puorci e de gaddhini
tutti li strati eranu chini.
Grida e schiamazzi de figghijuoli abbarundati
sentivi de ogni vicu, puntuni e pe li strati,
ragghjiu de ciucci e abbajiara de cani
eranu pe’ tutti segni de richiami.
Uomini e fimmini tutti abbarundati
cu
zzappi, runchi e pe’ fara vucati,
e
tanti vuoti arrivava la sira,
avivi hfatigatu pe’ fara menza lira.
Quantu vuoti, e la memoria no’ m’inganna,
zziema rescia mu hfacia menza canna
e
pua mamma, cu nu hfilu ncorcinijiatu,
de
li mani nci nescia lu lavuratu.
Pana de viscuottu e scadi assulicchiati,
cipudda cu posedda sfamaru hfamigghjiati.
Verdura d’ogni tipu inchjia la cassalora,
la
genta s’adattava pe’ tala nommu mora.
Na
hfrasca de livara mpenduta cu nu chjiuovu,
dicia ca nc’era vinu, però de chiddu nuovu.
Pana de hfarina, però de chidda jianca
no’
si nda vidia pe’ gula nè a destra nè a manca.
Vicienzu Caramicu ancora esta arrimisu,
ca
scarpi a li piedi mai si nd’avia misu.
Quandu li potta avira si sentiu mpacciatu,
si
li mentia a la chjiazza, s’i cacciava dda ‘u Spostatu.
Lu
hfrata, povarieddu, si hfa l’inalazioni
si
parta pe’ Caronte cu attri in processioni.
Nci
dissa pua n’amicu”stu pana esta ‘ntegrali”,
pecchì no’ ti l’accatti ca ti caccia d’ogni mali?
Si
tuna si’ convintu, accattatilu a jiosa,
ca
a mia no’ mi para ca esta na gran cosa.
De
chistu nda mangiai de giuvini e cotraru,
li
gargi mi scorciai chi ancora sientu amaru.
Cumpara Lia Scupazzu de tiempu era emigratu,
attraversau l’oceanu comu nu disgrazziatu.
S’avia
ripiccicatu, sistematu cu li cazzi,
si
nda tornau a Curnga ca dda non c’era razzi.
Chi
dira mo de chisti, sia giuvini e cotrari,
chi
mangianu la pizza, nutella e cuosi strani?
Mu
dura certamente a tutti nci auguramu.
Però, si jiamu arriedi adduva n’aggrappamu?
|
