Mancava puocu jiuorni a li lezioni
e de tamarru diventai 'mportanti,
vinna nu candidatu a la sezioni
e ni stringili la manu a tutti quanti.
Vinna a kr cantu mio pemmu s'assetta K
e mu mi parrà, vi, de paru a paru,
io, cu de terra lorda la giacchetta,
volìa de la lordìa mu lu riparu.
Ma iddu cchiù bicinu si ngrugnau,
mi dissa: «Nta la terra nc'è balori»,
cuomu n'amicu viecchiu mi parrau
anzi, mi dissa ca nei dugnu onori.
«Facimu mo mu passa sta mbujina,
facimuni pe mo li votazioni,
doppu a la casa mia sira e matina
vieni e mi duni tu disposizioni».
Allora cominciai pemmu nei pienzu,
penzai ca cominciamu mu cuntamu,
ed a Franciscu, a Pavulu, a Bicienzu
nei dissi: «Nui pe chistu a mu votamu».
Giramu lu paisi a ruga, a ruga,
stu nome mu dunamu ad ogni bicu,
facimu duvedè mu si muntuga,
mu sanu tutti ca nc'è cca n'amicu.
Jivi doppu dui misi mu lu truovu,
jivi mu nei ricuordu la prumisa,
e cu biscotti e cu marzala all'uovu
assettatu a nu tavulu mi misa.
Allora cominciau pemmu mi dìcia:
Quantu
mi fici randa a chiddu dira,
lu mundu vitti tuttu stracangiatu,
lu mpiernu de li poveri morirà
e cu speranza mi pigghiai de fjiatu.
Passaru l'anni e jio su ccà chi aspiettu,
iddu si ficia a mata la villetta,
io sempe cu speranza nta lu piettu
ma cu de terra lorda la giacchetta.
orda
la giacchetta.
NOZZI
D'ARGIENTU
Su vinticincu l'anni chi passaru
de chiddu juornu de passioni ardente,
de quandu dissi si supa l'attaru
e mi sentìa nu Rre forta e potente.
10 mi sentìa lu Rre tu la Regina
patruni de lu regnu de l'amuri,
era de gioja e de bellezza chjina
la vita nostra tutta ruosi e jiuri.
Nziemi ni ncamminammi a chidda strata
ch'era diritta e chiana mprima vista,
ma cumparìu cchiù tardu la sagghiuta,
11 curvi e cuntracurvi misi a lista.
Però no ni perdimmi de coraggiu
e jimmi avanti sempe cchiù ligati,
lu sula ni mandau sempe lu raggiu
chi scarfa li perzuni nnamurati.
Pigghiammi friddu e sula sempe nziemi,
la gioja e li doluri ni spartimmi,
mo dici ca ti vena pemmu triemi
perciò ca tutti cca ni ricogghimmi.
A fierru de cavaddu cca conzaru
na tavula ch'è chijna de parienti,
su li figghiuoli nuostri chi ammentaru
sta festa, mu ni fanu cchiu cuntienti.
Sti nozzi chi d'argientu su chiamati
nui simu tutti cca mu festeggiamu
e cuomu tandu ancora ncurunati
lu Rre cu la Regina ni sentimu.
U TUTAPLANU ATOMICU
Simu a l'annu duimilatrentasetta,
de Curnga nta Parigi mu fatigu,
mi izzu a li sei e menza senza fretta,
tantu no nei vo nenta mu mi sbrigu.
A li sette e nu quartu propi mpuntu,
nu tutaplanu e senza li valigi,
nei mentaria de cchiù mu vi lu cuntu,
nta menu de menzura su a Parigi.
Fatigu giustu l'uri chi mi tocca,
la sira mi nda tuornu a lu paisi,
prima ca Tura de la cena schiocca,
sugnu a la casa mia de calabrisi.
Domandu duv'è figghiuma Bestianu,
dìcia ca jiu a Madrid a lu triatu,
l'avimu tutti mo lu tutaplanu,
jiamu duva volimu nta nu fjiatu.
Lu telefunu pua, non dicu nenta,
ognunu nta lu puzzu (!) l'ha ncroccatu
e prontu a l'attru capu mu ti senta
nc'esta l'amicu tua desideratu.
Mbuoti mi vena pemmu mi domandu
comu facienu chiddi de na vota
s'avienu pemmu vanu caminandu
e si movienu sulu cu la rota?
Cu jia pemmu fatiga nta la Francia,
luntanu de la casa e la famigghia,
avìa de sulu sempe mu s'arrancia,
mu si cucina, mu si lava e strigghia.
Eranu tiempi quandu a li stazioni
la gente pe lu trenu avìa m'aspetta,
tiempi cu ancora prìncipi e baroni
lu millenovecentuottantastte.
LU
SACCU
No m'avia dittu nuddu chi mportanza,
lu saccu, nta lu mundu potìa avira,
nu saccu chi, parrandu cu crianza,
sutta li piedi ti lu pua mentirà.
Però, sicundu l'usu chi nda fai,
ti porta nta lu mundu de lu bena,
pe chistu, mu si scanza d'ogni guai,
ognunu nei cumbena mu lu tena.
Nc'è cui mu l'usa menta li carvuni,
cui cuosi de valori supraffinu,
nc'è cui lu chiama saccu cui saccuni,
cui lu chiama sacchettu o sacchettinu.
S'adatta sempe a tutti li misuri
ca no ni serva a tutti quanti gualu,
ad unu ha mu nei fa d'ammucciaturi,
a n'attru mu lu mustra pe rigalu.
Ognunu de lu statu chi si trova
nu saccu dda nc'è sempe mu si tena,
ncunu vorìa lu saccu d'attru 'mprova,
mu vida quala miegghiu nei cumbena.
È beru ca stu mundu è fattu a scala,
mu sagghi nu scaluni nei vo forza,
ma cui lu saccu tena pemmu vaia
sagghia volandu senza mu si sporza.
Truovi nu capu sempe ogni scaluni
chi no si sturda de li fatti tua,
cui s'arrampica sbertu, cui a trappuni,
ma ognunu strappa cu lu saccu sua.
E no nc'è nuddu mu si po' sarvara,
mu dìcia ca lu saccu no lu porta,
ca prima o doppu certu nei cumpara
la scusa mu sta cittu e mu sumporta.
Puru sua maestà, lu re mperzona
nei su momenti chi ha mu si ribassa,
dìcia, cuomu si fussa cosa bona:
vasciati vruddu ca la chijna passa.
A LUMERA
Girandu stamatina nta nu vasciu,
nta nu catuoju viecchiu abbandunatu,
ntisi de botta cuomu nu sgalasciu
de cuosi che s'avienu sdarrupatu.
Mu viju, mi girai, chi avìa cadutu
e tuttu chiddu chi dda nterra nc'era
e cumbogghiata sutta de nu mbutu
mi vinna pe li mani na lumera.
Bella, tutta copputa, rigamata,
cu dui scumparti, fundu e suttafundu,
e mona mi la tiegnu io stipata
ca chista è nu ricuordu pe lu mundu.
Chist'è lu lampadariu de na vota.
Nànnuma nta la casa la portau,
la misa cuomu parti de la dota
lu primu juornu quandu si nzurau.
Misa quattru lucigni a li puntimi,
de uogghiu, para para, la curmau
n'abbàttaru sparau cu nu tizzuni
e tutti quattru priestu l'appicciau.
Tutta la cammara accussì adducìa
e nànnuma, sicuru, si prejava
e pemmu fa cchiù lustru ca potìa
sempe chiddi lucigni scuzzicava.
Doppu, quandu portaru la corrente,
nta nu catuoju chiusa la dassaru,
cuomu na cosa chi no mbala nente,
cuomu na cosa vecchia la jettaru.
Chistu è nu mundu propi scanuscente,
t'adura sulu s'hai, si ssi patruni,
ma prontu mu ti jetta malamente
quandu non-hai cchiù nenta mu nci duni.
Dal testo De' "LA LUMERA" è stata composta una canzone dal maestro
Antonio Diaco di San Pietro a Maida.Da questa canzone e stata
realizzata una clip video da Cesare Natale Cesareo
